Nepalda avtobusun dərəyə aşması nəticəsində azı 18 nəfər ölüb.
Modern.az "RİA Novosti"yə istinadla xəbər verir ki, daha 13 nəfər yaralanıb.
Hadisəyə sürücünün idarəetməni itirməsinin səbəb olduğu ehtimal edilir. Nəqliyyat vasitəsi 500 metr hündürlükdən dərəyə yuvarlanıb.
Yaralılar xəstəxanalara yerləşdirilib.
Hadisənin başvermə səbəbləri hələlik məlum deyil.
Faktla bağlı araşdırma aparılır.
