Ռուս պաշտոնյան հայտարարել է, որ հարգում է Հայաստանի ինքնիշխան իրավունքները, սակայն Երևանը պետք է ընտրություն կատարի Եվրասիական տնտեսական միությանը (ԵԱՏՄ) կամ Եվրոպական միությանը (ԵՄ) մասնակցելու միջև։
Modern.az-ը հայտնում է, որ այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք հարգում ենք Հայաստանի բոլոր ինքնիշխան իրավունքները։ Միաժամանակ, Հայաստանը ԵԱՏՄ ինտեգրման գործընթացի մասնակից է, և այլ չափանիշներին աստիճանական կողմնորոշումը տարբեր ոլորտներում չի համապատասխանի ԵԱՏՄ չափանիշներին։ Հենց դա նկատի ունենք, երբ ասում ենք, որ «շատ կարևոր է ընտրություն կատարել»»,- ասել է Կրեմլի ներկայացուցիչը։
Պեսկովն ընդգծել է, որ կարևոր է, որ ԵԱՏՄ անդամ երկրներից մեկը չհակասի այս ինտեգրացիոն միության կանոններին, նորմերին և սկզբունքներին։
«Եվ շատ կարևոր է, որ ԵԱՏՄ անդամ երկրներից մեկը չհակասի այս ինտեգրացիոն միության կանոններին, նորմերին և սկզբունքներին, որոնք կարևոր են բոլորիս համար»,- նշել է Պեսկովը։
