Avtopa Təhlükəsizlik və Əməkdaşlıq Təşkilatının (ATƏT) büdcəsi açıqlanıb.
Modern.az xəbər verir ki, təşkilatın illik büdcəsi 141 milyon avro təşkil edir. Bu vəsaitin 60%-ni 6 ölkə - Böyük Britaniya, ABŞ, Fransa, İtaliya, Kanada və Almaniya təmin edir.
Azərbaycan isə bu təşkilata hər il 45 min avro üzvlük haqqı ödəyir.
Müqayisə etsək, ATƏT-in büdcəsi Birləşmiş Millətlər Təşkilatının (BMT) büdcəsinin yalnız 3%-ni təşkil edir. Buna baxmayaraq, məhz ATƏT Donbas və Qarabağ regionunda fəaliyyətdə olan yeganə beynəlxalq strukturdur.
ATƏT-in Qarabağdakı münaqişə zonasında 6 müşahidəçisi var. Qeyd edək ki, 57 üzvü olan ATƏT-in Bakı ofisi 2015-ci ildə bağlanıb.
