Xəbər verdiyimiz kimi, bu gün Qərbi Azərbaycan Televiziyasına məxsus binanın açılışı olub.
Televiziya Qərbi Azərbaycan İcmasının tərkibində fəaliyyət göstərəcək.
Qərbi Azərbaycan Televiziyası son 200 ildə mərhələli şəkildə öz el-obasından deportasiya edilən azərbaycanlılar, Qərbi Azərbaycanda məhv edilən Azərbaycan irsi, o cümlədən sülh yolu ilə, təhlükəsiz və ləyaqətlə geri qayıdış uğrunda aparılan fəaliyyətə işıq salacaq.
Modern.az-ın məlumatına görə, Qərbi Azərbaycan Televiziyasına Ülviyyə Zülfüqar rəhbərlik edəcək.
O, eyni zamanda Qərbi Azərbaycan İcmasının İctimaiyyətlə əlaqələr şöbəsinin müdiri postunda çalışır.
Telekanal həftədə 6 dəfə - 3 dəfə Azərbaycan, 3 dəfə rus dilində olmaqla, 2 saat boyunca efirə çıxacaq.
