Milli Məclisin Mədəniyyət komitəsinin sədri Qənirə Paşayeva tanınmış xalçaçı rəssam Taryer Bəşirovla, yeni nəsil rəssamları Nizar və Cəsar Məmmədov qardaşları ilə Mədəniyyət Komitəsində görüşüb.
Modern.az xəbər verir ki, görüşdə incəsənətin rəssamlıq qolu, bu sahədə mövcud durum, uğurlar, həlli vacib problemlər, rəssamların özlərinin yeni yaradıcılıq planları ətrafında fikir mübadiləsi aparılıb.
Q.Paşayeva rəssamların Azərbaycan həqiqətlərinin dünyaya sənətin zərif gücü ilə yayılması yönündə öz töhfələri ilə çıxış edəcəyinə inamını bildirib.
