Bakının "Tarqovı" kimi tanınan ərazisində, Nizami küçəsi ilə Səməd Vurğun küçəsinin kəsişməsində yerləşən yaşayış binasındakı yanğın söndürülüb. Modern.az saytı Fövqəladə Hallar Nazirliyinin internet səhifəsinə istinadən xəbər verir ki, Bakı şəhəri, Nəsimi rayonunda beşmərtəbəli yaşayış binasının mansardında sahəsi 20 kv.m olan 1 otağın yanar konstruksiyaları və dam örtüyü 10 kv.m sahədə yanıb. Hadisə yerinə FHN-nin yanğından mühafizə xidmətinin əməkdaşları cəlb olunub. Mansardın qalan hissəsi və 5-ci mərtəbədə yerləşən mənzillər yanğından mühafizə olunub. Yanğın yanğınsöndürənlər tərəfindən söndürülüb.
Modern.az
