Türkiyənin Düzcə bölgəsində başı kəsilən üç azərbaycanlı bu gün saat 16.00-da Türkiyədən ambulansla Marneuliyə gətirilib. Modern.az saytı APA-ya istinadən xəbər verir ki, iki gün bundan əvvəl qətlə yetirilən 19 yaşlı  Sahib Şərifovun anası və qohumları İstanbuldan 228 kilometr məsafədə yerləşən Düzcə bölgəsinə yola düşüblər. Bu gün öldürülən şəxslər Gürcüstanın Türkiyədəki konsulluğunun köməyi ilə Marneuliyə gətirilib.

Gürcüstan xarici işlər nazirliyinin məlumatına görə, başı kəsilən qadınlardan biri Türkiyə vətəndaşlığını qəbul edib. Hadisə ilə bağlı hələlik rəsmi açıqlama verilmir. Gürcüstan daxili işlər nazirliyinin mətbuat xidməti isə hadisə ilə bağlı onlara rəsmi şəkildə müraciət olunmadığı bildirib.

Bununla belə, Marneulidə hadisə ilə əlaqədar bir neçə versiyalar dolaşır, lakin bu versiyalar da aidiyyatı təşkilatlar tərəfindən hələlik təsdiqini tapmayıb.

Bəzi məlumata görə, cinayət evdə saxlanılan qızıl üstündə baş verib. Bir neçə gün bundan əvvəl isə onların təbii qazdan zəhərləndikləri bildirilmişdi.

Qeyd edək ki, Türkiyədə başı kəsilən iki bacılardan biri türkə ərə gedib və sonra ondan ayrılıb. Öldürülən bacılardan birinin Türkiyədə yenə bir qızı olduğu bildirilir. O da Marneulidəki ərindən boşanıb. Sahib Şərifov 56 yaşlı Emmanın nəvəsi olub.  Sabah iki bacı və nəvə Marneulidə torpağa tapşırılacaq.

Modern.az