Pakistanın Pəncab əyalətində naməlum şəxslərin sərnişin avtobusuna atəş açması nəticəsində sürücü ölüb, 28 nəfər yaralanıb.
Modern.az “RİA Novosti”yə istinadən xəbər verir ki,hadisə avtobusun fəhlə qadınları fabrikə daşıdığı zaman baş verib. Hadisə nəticəsində avtobus dərəyə yuvarlanıb və sürücü ölüb.
Yaralananlar Həsən-Abdal şəhərindəki hospitala yerləşdirilib. Həkimlər xəsarət alanlardan 5-nin vəziyyətinin ağır olduğunu bildiriblər.
Fidan İlqar
