Gruziya-Turkiya chegarasida Interpolning “qizil byulleten”i bilan xalqaro qidiruvda boʻlgan Ozarbayjon fuqarosi qoʻlga olindi.
Modern.az xabar berishicha, bu haqda “Georgia Online” Gruziya Ichki ishlar vazirligiga tayanib maʼlumot tarqatdi.
Maʼlum qilinishicha, Gruziya IIV Patrul Politsiyasi departamenti xodimlari Ozarbayjon huquq-tartibot idoralarining soʻrovi asosida xalqaro qidiruvga berilgan shaxsni “Sarpi” bojxona-chegara oʻtkazish punktida qoʻlga olganlar.
Maʼlumotlarga koʻra, ushbu shaxs bezorilik va oʻzga mulkiga qasddan zarar yetkazishda ayblanmoqda.
Ozarbayjon fuqarosini mamlakatga ekstraditsiya qilish boʻyicha Gruziya qonunchiligida nazarda tutilgan tartib-qoidalar boshlandi.
