Növbəti həftə (07-08.08.2023 və 10-11.08.2023 tarixləri) daha 4 rayonda “Azəriqaz” İB-nin “Açıq mikrofon” aksiyası keçiriləcək.
Birlikdən Modern.az-a verilən məlumata görə, aksiya həftənin 1-ci günü saat 11:00-dan 12:00-dək Yevlax rayonu, Duzdağ kəndində (kənd orta məktəbinin yanı), 2-ci günü saat 11:00-dan 12:00-dək Bərdə rayonu, Qarağacı kəndində (Məmməd Məmmədov adına kənd orta məktəbinin yanı), 4-cü günü saat 15:00-dan 16:00-dək Tərtər rayonu, Talış kəndində (kənd tam orta məktəbinin qarşısı), 5-ci günü isə saat 11:00-dan 12:00-dək Ağdam rayonu, Qaradağlı kəndində (şəhid Ayaz Abbasov adına kənd orta məktəbinin qarşısı) baş tutacaq.
