Modern.az

Azərbaycanın sabiq baş prokuroru vəfat etdi

Azərbaycanın sabiq baş prokuroru vəfat etdi

15 Noyabr 2022, 20:20

Azərbaycan Respublikasının baş prokuroru İxtiyar Şirinov vəfat edib.

Modern.az-ın məlumatına görə, bu barədə onun qohumları bildiriblər. Mərhumun uzun müddətdir ciddi xəstəlikdən əziyyət çəkdiyi qeyd edilib.

İxtiyar Şirinov son vaxtlara qədər Milli Konqres Partiyası adlı siyasi qurumun rəhbəri olub.


İxtiyar Əlibala oğlu Şirinov 24 iyul 1952-ci ildə Beyləqan rayonunda anadan olub. 1972-1977-ci illərdə Bakı Dövlət Universitetinin Hüquq fakültəsində ali təhsil alıb. AXC hakimiyyəti dövründə əvvəlcə dövlət müşaviri olub. Sonra baş prokuror (1992–1993-cü illərdə) vəzifəsində çalışıb. 1993-cü ilin iyun hadisələrində Gəncədə qiyamçı Surət Huseynovun komandası tərəfindən həbs olunub. 11 ay sonra məhkəmə cinayət işini xətm edib və azadlığa buraxılıb.

Allah rəhmət eləsin.

A.Qorxmaz

Whatsapp
Bizə yazın!
Keçid et
Sərhədimiz pozuldu - Saxlanılanlar var - ANBAAN GÖRÜNTÜLƏR