“Arsenal”ın məşqçisi Avropa Liqasının Bakıda keçiriləcək final matçında ermənistanlı futbolçusu Henrik Mxitaryanın da xidmətindən yararlanmaq istəyir.
" Biz onunla oynamaq istəyirik və “Börnli”yə qarşı çox yaxşı oynadı. Bu, siyasi məsələ olduğundan, bunun həllinin necə mümkün olacağını deyə bilmərəm. Əlimdə deyil və vəziyyəti tam başa düşmürəm. Problem iki ölkə arasındadır. Biz əlimizdən gələni edəcəyik. Sadəcə, tək problem bu deyil"- deyə Una Emeri açıqlama verib.
Qeyd edək ki, Avro Liqanın final görüşü olan “Arsenal – Çelsi” matçı mayın 29-u Bakı Olimpiya Stadionunda baş tutacaq.
Novruz NOVRUZLU
