Deputat Novruz Aslanov iyun ayının 28-də İsmayıllı rayonuna növbəti səfərini edib. Rayonun Qaraqaya, Yeniyol, Təzəkənd kəndlərində seçicilərini qəbul edib, onların problemləri ilə maraqlanıb.
Modern.az xəbər verir ki, qəbula gələn sakinlər kəndə təbii qazın verilməsi istiqamətində görülən işlərə görə dövlət başçısına və əlaqədar strukturlara, həmçinin, belə işlərə diqqətlə yanaşdığına gərə millət vəkilinə təşəkkür ediblər. Bunlarla yanaşı içməli su, yol və elektrik enerjisi problemini deputatın diqqətinə çatdırıblar. Millət vəkili əlaqədar qurumlara bu problemlər barədə məlumat veriləcəyini bildirib.
