Moldovada son sutkada 122 nəfər koronavirusa yoluxub.
Modern.az Moldova Səhiyyə Nazirliyinə istinadla xəbər verir ki, ölkədə bu virusa tutulanların sayı 1560 nəfərə çatıb. Koronavirusa yoluxma faktı ən çox paytaxt Kişineudadır – 500 nəfərə yaxın. Müalicə alaraq evə buraxılan pasiyentlərin sayı isə 94 nəfərdir.
Son sutkada Moldovada koronavirusdan ölən olmayıb. Statistikada koronavirusdan ölənlərin sayı 30 olaraq qalır. Ölkədə 165 xəstənin vəziyyəti ağır, 429 nəfərin isə orta ağır qiymətləndirilir. Ümumilikdə 7437 test həyata keçirilib.
