Aprelin 15-də Mədəniyyət naziri Əbülfəs Qarayevin iştirakı ilə xüsusi karantin rejimi dövründə teatrların fəaliyyətinə həsr olunmuş videokonfrans keçirilib.
Mədəniyyət Nazirliyindən Modern.az verilən məlumata görə, konfransda Mədəniyyət nazirinin birinci müavini Vaqif Əliyev, nazirliyin məsul əməkdaşları, ölkəmizin aparıcı teatrlarının rəhbərləri iştirak ediblər.
Videokonfransda çıxış edən Ə. Qarayev bu günlərdə ölkəmizin mədəniyyət sahəsinin idarə olunması ilə bağlı görülən işlər, vətəndaşlara mədəni xidmətlərin göstərilməsi, hazırkı dövrdə teatrların fəaliyyəti, videodərslərin keçirilməsi, muzeylərə və qoruqlara virtual turların təşkili, kitabxanaların onlayn xidmətləri, eləcə də digər mədəniyyət müəssisələrinin bu istiqamətdə həyata keçirilən tədbirlərdən danışıb.
