Azərbaycan Prezidenti İlham Əliyev Qax rayonunda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.
Modern.az-ın xəbərinə görə, sərəncama əsasən, Qax rayonunun əhalisi 28701 nəfər olan 17 yaşayış məntəqəsində (siyahı əlavə olunur) əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 17 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”ndə Azərbaycanın rayonlarında su təchizatının yaxşılaşdırılması məqsədilə subartezian quyularının qazılması üçün göstərilmiş vəsaitin 1,19 milyon manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.
Maliyyə Nazirliyi bu sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti isə bu sərəncamdan irəli gələn məsələləri həll etməlidir.
Qax rayonunda qazılması nəzərdə tutulan subartezian quyularının yaşayış məntəqələri üzrə bölgüsünə dair siyahı:
| Sıra №-si | Yaşayış məntəqələri | Quyuların sayı, ədəd | Əhalinin sayı, nəfər |
|
| Almalı kəndi | 1 | 2167 |
|
| Baydarlı kəndi | 1 | 440 |
|
| Dəymədağlı kəndi | 1 | 883 |
|
| Əlibəyli kəndi | 1 | 1842 |
|
| Güllük kəndi | 1 | 2564 |
|
| İbaxlı kəndi | 1 | 656 |
|
| Kiçik Alatəmir kəndi | 1 | 38 |
|
| Qax şəhəri | 1 | 14401 |
|
| Qaradolaq kəndi | 1 | 201 |
| 10. | Qındırğa kəndi | 1 | 129 |
| 11. | Qıpçaq kəndi | 1 | 738 |
| 12. | Qorağan kəndi | 1 | 1382 |
| 13. | Lələpaşa kəndi | 1 | 486 |
| 14. | Marsan kəndi | 1 | 825 |
| 15. | Turaclı kəndi | 1 | 1048 |
| 16 | Uzuntala kəndi | 1 | 156 |
| 17. | Zərnə kəndi | 1 | 745 |
| Cəmi | 17 | 28 701 | |
