“Xüsusi karantin qaydalarından sui-istifadə edərək aliment ödəmək istəməyən borclu şəxslər var. Bu il alimenti ödəməyən 38 şəxs barəsində cinayət işi başlanıb".
Modern.az-ın məlumatına görə, bunu Ədliyyə Nazirliyinin onlayn mətbuat konfransında nazirliyin Baş İcra İdaərsinin rəis müavini Fərid Əfəndiyev deyib.
O qeyd edib ki, ölkədə tətbiq edilən karantin rejimini bəhanə edən şəxslər alimenti ödəməkdən boyun qaçırır:
“Bununla bağlı Ədliyyə Nazirliyinin İcra Baş idarəsi bir sıra tədbirlər görür. Məhkəmə icraçıları bu istiqamətdə tədbirlər görür. Aliment ödəməyən şəxslərə bildirişlər göndərilir, polis vasitəsilə həmin şəxslər müəyyən edilərək gətirilirlər”.
