Ola bilsin ki, koronavirusdan sağalan şəxslərdən götürülmüş plazma ağır vəziyyətdə olan bir şəxs, yaxud da bir necə şəxsin müalicəsi üçün istifadə edilsin. Bu, xəstəliyin dinamikasından asılı olacaq.
Modern.az-ın məlumatına görə, bunu Tibbi Ərazi Bölmələrinin İdarəetmə Birliyinin (TƏBİB) sədri Ramin Bayramlı bu gün keçirilən brifinqdə deyib.
Onun sözlərinə görə, sağalmış şəxslərdən götürülən plazmanın tərkibindəki anticisimlərin miqdarından asılı olaraq, onun effektivliyi nəzarətdə saxlanılmalıdır.
