İspaniyanın “Real” klubunun sabiq vitse-prezidenti Amador Suares koronovirusdan ölüb.
Modern.az xəbər verir ki, bu barədə Madrid təmsilçisinin rəsmi saytında məlumat yayılıb.
40 gün bu xəstəliklə mübarizə aparan Suares 76 yaşında dünyasını dəyişib. 2006-cı ildə klubun direktoru təyin olunan funksioner bir il sonra vitse-prezident olub. Suares bu postda 2 il qalıb.
Qeyd edək ki, iki ay əvvəl klubun sabiq prezidenti Lorenso Sans da koronovirusdan ölüb. 1995-2000-ci illərdə kluba rəhbərlik edən bu şəxs də 76 yaşında vəfat edib.
