Rusiyanın keçmiş Prezidenti və Təhlükəsizlik Şurası sədrinin müavini Dmitri Medvedev Azərbaycan - Ermənistan münaqişəsindən danışıb.
Modern.az “RİA Novosti”yə istinadən xəbər verir ki, o, “PolitStartap” layihəsinin iştirakçıları ilə görüşdə Rusiyada Azərbaycan və Ermənistandan gələnlərin qarşıdurması ilə bağlı diasporlara məsuliyyətli olmaq barədə xəbərdarlıq edib.
“Mənə elə gəlir ki, hüquq-mühafizə orqanlarımız istiqamətləndirilməlidir, ölkə daxilində bu mövzu zorakılıq və hər hansı toqquşma üçün səbəb yaratmamalıdır. Diasporalar da bu məsələdə öz məsuliyyətlərini hiss etməlidirlər”, - deyə Medvedev qeyd edib.
Nargilə HƏSƏN
