Bakıda avtomobil piyadanı vuraraq öldürüb.
Bu barədə Modern.az-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, hadisə avqustun 24-ü saat 18 radələrində Qaradağ rayonunun Səngəçal qəsəbəsi ərazisində qeydə alınıb. Belə ki, Qobustan qəsəbə sakini N.Güləliyev idarə etdiyi “Mercedes” markalı avtomobillə yolu keçən Bakı şəhər sakini Osman Xəlilovu vurub. Nəticədə piyada xəstəxanaya aparılarkən yolda ölüb.
Baş İstintaq və Təhqiqat İdarəsi tərəfindən araşdırma aparılır.
