Rusiya Azərbaycan və Ermənistanla üçtərəfli formatda işləməyə davam edəcək.
Modern.az xəbər verir ki, bu barədə Rusiyanın Ermənistandakı səfiri Sergey Kopirkin bildirib.
Onun sözlərinə görə, hamıya məlum olan, 2020 və 2021-ci il müqavilələrinə əsaslanan üçtərəfli mexanizmlər var:
"Biz bu formatları yüksək qiymətləndirir və böyük əhəmiyyət veririk. Biz bu formatlarda işləməyə davam edəcəyik. Rusiya Federasiyasının sülhməramlıları, sərhədçiləri hər iki tərəflə əlaqə saxlayır, işləyirlər. Bu isə sabitliyin qorunmasında və vəziyyətin daha da gərginləşməsinin qarşısının alınmasında mühüm amildir".
