Ukraynanın cənubunda İran istehsalı olan 9 kamikadze-dron məhv edilib.
Modern.az xəbər verir ki, bu barədə Ukrayna Hərbi Hava Qüvvələri məlumat yayıb:
“Oktyabrın 5-dən 6-na keçən gecə Rusiya qoşunları İran istehsalı olan “Şahed-136” kamikadze-dronları ilə Ukraynaya hücum edib.
“Yuq” Hava Komandanlığının hava hücumundan müdafiə qüvvələri və vasitələri tərəfindən 9 kamikadze pilotsuz uçuş aparatı məhv edilib”.
Qeyd edək ki, avqustun ortalarında İran Rusiya Federasiyasına minə yaxın kamikadze-dron satıb.
