“Türk Dövlətləri Təşkilatını quran ölkələrdən biri olan Azərbaycan onun daha da gücləndirilməsinə çalışacaq".
Modern.az xəbər verir ki, bu barədə Azərbaycanın xarici işlər naziri Ceyhun Bayramov "Twitter" hesabında bildirib.
"Türkiyəli həmkarım Mövlud Çavuşoğluna Türk Dövlətləri Təşkilatının Xarici İşlər Nazirləri Şurasının növbədənkənar iclasına dəvət etdiyinə və qonaqpərvərliyə görə təşəkkür edirəm. Azərbaycan təşkilatın güclənməsi ilə bağlı addımları dəstəkləyəcək”, - deyə nazir qeyd edib.
Qeyd edək ki, İstanbulda Türk Dövlətləri Təşkilatı (TDT) Xarici İşlər Nazirləri Şurasının növbədənkənar iclası keçirilir.
