ABŞ Konqresinin Nümayəndələr Palatasının sədri Nensi Pelosinin həyat yoldaşı Pol Pelosi San-Fransisko şəhərində hücuma məruz qalıb.
Modern.az-ın məlumatına görə, hadisə bu gün səhər saatlarında onun yaşadığı evdə baş verib.
Məlumata görə, naməlum şəxs evə daxil olaraq Pelosiyə xəsarətlər yetirib. Pol Pelosi xəstəxanaya yerləşdirilib, onun həyatına təhlükə olmadığı bildirilib.
Hücum edən şəxs polis tərəfindən saxlanılıb. Hadisənin motivləri ilə bağlı araşdırma aparılır.
