Gəncə Dövlət Universitetinin Xarici dillər fakültəsində universitetin Tələbə Gənclər Təşkilatının təşkilatçılığı ilə “Şuşa ili” çərçivəsində “Şəhidlər ölmür” adlı yazılı tərcümə müsabiqəsi keçirilib.
Modern.az xəbər verir ki, Gəncə Dövlət Universitetinin Humanitar məsələlər üzrə prorektoru Gülsüm Fətəliyeva və universitetin Xarici dillər fakültəsinin dekanı Əjdər Əsgərov müsabiqə iştirakçılarına uğurlar arzulayıb, bu təşəbbüsü yüksək qiymətləndirib və tələbələri ictimai həyatda fəal olmağa səsləyiblər. Qeyd edilib ki, gənclərin vətənpərvər ruhda yetişməsi qürurverici haldır.
Bildirək ki, müsabiqə çərçivəsində 44 günlük Vətən müharibəsi şəhidləri haqqında yazılar xarici dillərə tərcümə edilib. Müsabiqənin nəticələrinə görə 1-ci yerə çıxan Nübar Fərzəliyeva Fəxri Fərmanla təltif edilib və pul mükafatı verilib. Svetlana Hüseynova 2-ci, Ayxan Əliyev isə 3-cü yeri tutaraq Fəxri Fərmanla təltif olunub.
