04Yanvar | Ana Səhifə - Yazılar - Qışda göyərmiş gözlər
Qışda göyərmiş gözlər

Hidayət Elvüsal

Əvvəllər baxanda ürəyimiz sıxılırdı. Şou-biznes (ŞB) əhalisinin hamısı qara eynək taxıb, ekrana çıxardılar. Sonra orda-burda söz-söhbət yayıldı ki, MKİ, yəni ABŞ-ın Mərkəzi Kəşfiyyat İdarəsi və Rusiyanın Baş Kəşfiyyat İdarəsi (BKİ) bu məsələyə etiraz bildirib. Deyiblər ki, bu tərz onlara məxsusdur və sünnət toylarında-zadda işlənə bilməz. Ekranda isə heç yeri yoxdur.

Bizim toyxana şou-biznesinin əhalisi də bir xeyli götür-qoy ediblər. Deyilənə görə, hətta iş-güclərini bir yana qoyub, səydəş-süydəş şeir yazan elm adamları ilə də məsləhətləşiblər. Belə qərara gəliblər ki, göz çox vacib vasitədir və onu anadangəlmə buraxmaq olmaz. Odur ki, hamı qara gözlərinə vida söyləyib, onu göyərtməlidirlər. Yəni linza taxıb, gözlərinin rəngini dəyişməlidirlər. Çünki, pullularımız qara gözləri sevməkdən, şairlər şeir yazmaqdan, bəstəkarlar mahnı qoşmaqdan beziblər.

Televiziyaya baxırsınızmı? Şou-biznesə əməlli-başlı bahar gəlib. Az qala hamısının gözləri göyərib. Bəzi ağzıgöyçəklər deyirlər ki, pullular onlara dollar-zad vermirlər deyə göy linza taxıb manatdan dolların təsəllisini alırlar. Deyirəm, ay bala, biz o gözləri göy görürük, onlar bizi və pulu olduğu kimi görürlər. Elə dediklərini əzbərləyib, durublar.

O gün də bir əhvalat olub. Dost-tanışın dediyinə görə ona “Snequroçqa skandalı” deyirlər. “Tarqovu”da veyillənən bir saqqallı yolkanın yanında qəşəng, göy gözlü Qar qızı görəndə özünü saxlaya bilməyib. Qız da şou-biznes tayfasından imiş və o da linza taxıbmış. Bu saqqallı da əlini qızın şubasının altından salıb, onun yumşaq yerindən cimdikləyib. Qız “Oy, mamoçqa!” demək yerinə, “Ay nənə, gəl” deyib, qışqıranda, saqqallı sarısını udub. Görüb ki, bu Snequroçqa deyil, Qar qızdır. Qaçmaq istəyəndə, tutub aparıblar polisə.

Həə, burda məsələ bir xeyli qarışıb. Müstəntiq qızdan soruşub ki, bu saqqallı sənin harandan çimdikləyib. Qız başını aşağı salıb.

- Ay qız, niyə dinmirsən?

- …

- Göstər görək harandan çimdikləyib?

Qız yenə dinməyib. Qıpqırımızı olub, tər basıb və müstəntiq görüb ki, ə, Qar qız elə kabinetdə əriyəcək, xatası onu tutacaq, işi bağlayıb. Səbəb də bunu yazıb ki, saqqallı gədə milli Qar qıza “Snequroçqa” deyə təzyiq göstərib və cərimələnib.

Yox, qardaş, məmləkətin bu qışın oğlan çağında göyərmiş gözləri yavaş-yavaş dəb halına çevrilir. Belə getsə qara gözlü qız defisit olacaq. Hamısının da günahkarı o şou-biznes əhalisidir. Səslərini kənara qoyub, gözləriylə pul qazanırlar. Həm də, deyilənə görə göy gözlər (mavi də ola bilər) çox bahalıdı.

Telekanallara bir də baxın. Canı yanmışların gözləri par-par yanır. Yanır və yandırır. Elə buna görə də qar yağsa da qorxmayın, əriyib gedəcək.

Göyərmiş qara gözləri məmləkətin qışına da bahar havası gətirib. Bircə oxuya bilsələr…

Oxuya bilənlər, savadlı aparıcılar, “sponsor” ovuna çıxmayanlar isə elə qara gözləri ilə gözəllərdən gözəldirlər!

MÜƏLLİFİN DİGƏR YAZILARI
Ölkədə qanunsuz yaşayan miqrantlar – say AÇIQLANDI 18 İyul 2019, 12:57 1211 nəfər Azərbaycana readmissiya edilib 18 İyul 2019, 12:35 Azərbaycan dili aşiqlərin dilidir... 18 İyul 2019, 12:30 TRT-nin bir qrup əməkdaşı rus səfirinin qətlinin görüntülərinə görə saxlanıldı 18 İyul 2019, 12:27 Paşinyanın doğulduğu rayonda polisə hücum: 13 nəfər saxlanıldı 18 İyul 2019, 12:19 Məsləhət Onundur 18 İyul 2019, 12:03 Bu il 75 nəfər Azərbaycan vətəndaşlığına qəbul edilib 18 İyul 2019, 12:02 Azərbaycanda daha çox qaçqın statusu almaq istəyən ölkələrin vətəndaşları - SİYAHI 18 İyul 2019, 11:59 Ermənilər atəş açdı, Azərbaycan əsgəri yaralandı 18 İyul 2019, 11:48 Azərbaycana gələn əcnəbilərin sayı 6 faiz artıb 18 İyul 2019, 11:40 Nazirlikdə kadr dəyişikliyi - Şöbə müdiri işindən getdi 18 İyul 2019, 11:35 Stoltenberq: “NATO-da Türkiyənin alyansdan çıxarılması fikri səsləndirilməyib” 18 İyul 2019, 11:30 Kamal Abdulla: “ADU-nu maraqlı və faydalı perspektivlər gözləyir” - MÜSAHİBƏ 18 İyul 2019, 11:27 Məhkəmədən Prezidentə şikayət – Bizi intihar həddinə çatdırıblar 18 İyul 2019, 11:18 Çıraqqala abidəsində bərpa işlərinə başlanıldı 18 İyul 2019, 11:17 4219 abonent qazsız qalacaq 18 İyul 2019, 11:10 100 kiloqram yararsız ətin satılmasının qarşısı alındı 18 İyul 2019, 11:05 Ağcabədidə mexanizatorlar üçün təlim keçirilib   18 İyul 2019, 11:00 “Onun vəzifə davası” – ADU müəllimləri etiraz edir 18 İyul 2019, 10:59 İkiyə bölünmüş ada, soydaşlarımızın yaşadığı torpaq, tanınmayan qurum - Heydər Əliyevin şəxsi tərcüməçisi YAZIR 18 İyul 2019, 10:44 Nazirlik jurnalistləri Şəkiyə apardı 18 İyul 2019, 10:33 Gömrük Komitəsi iş adamının iddialarını TƏKZİB ETDİ 18 İyul 2019, 10:24 Fövqəladə Hallar Nazirliyi gücləndirilmiş rejimə keçir 18 İyul 2019, 10:15 Cəbhədəki sakitlik bitdi – Ermənistan iriçaplı silahları və snayperləri işə saldı 18 İyul 2019, 09:53 Azərbaycanda onkoloji xəstələri müəyyən edə bilən yeni metod hazırlanıb 18 İyul 2019, 09:37 Məmur olmaq istəyənlər sınağa çəkilir 18 İyul 2019, 09:34 Vergilər Nazirliyi sosial reklam hazırladı - VİDEO 18 İyul 2019, 09:20 804 minə yaxın mina və partlamamış hərbi sursat zərərsizləşdirilib - ANAMA 18 İyul 2019, 09:03 Zaur Seyidzadə: “Tezliklə Aliment Fondu yaradılacaq” – MÜSAHİBƏ 18 İyul 2019, 08:58 Azərbaycan jurnalistikasının dörd “muşketyoru”... 18 İyul 2019, 08:45 Manat və dolların bugünkü məzənnəsi 18 İyul 2019, 08:45 Natalia Bourjali: “Bu, Avrasiya məkanında ilk təcrübədir və Azərbaycan modelidir” 18 İyul 2019, 08:30 “Bakıxanovlara həmişə haqsızlıq ediblər” - Məşhur nəslin davamçısı 18 İyul 2019, 08:13 “Vahid Mustafayev çoxdan avtomobil idarə etmir” - ANS Şirkətlər Qrupundan saytlara ETİRAZ 18 İyul 2019, 07:41 Çempionlar Liqasında 1-ci təsnifat mərhələsi yekunlaşdı - Bütün NƏTİCƏLƏR 18 İyul 2019, 07:30