İsrail ordusu oktyabarın 7-də başlayan hücumun planlaşdırılmasına görə məsuliyyət daşıyan HƏMAS rəsmisini zərərsizləşdirib.
Modern.az xəbər verir ki, ordu HƏMAS-ın qərargah rəisinin müavini Şadi Barudun öldürüldüyünü açıqlayıb.
Bildirilir ki, əməliyyat ölkənin Kosmik Agentliyi ilə birlikdə keçirilib. İsrail qırıcıları Şadi Barudun olduğu yerə zərbələr endirib.
Məlumata görə, HƏMAS-ın kəşfiyyat rəhbərinin müavini Şadi Barud başqa bir hərbi komandir Yəhya Sinvarla birlikdə 7 oktyabr hücumunun planlaşdırılmasına cavabdeh olub. Bundan əvvəl Şadi Barud Xan Yunisdəki HƏMAS batalyonuna komandanlıq edib və hücumların planlaşdırılması, informasiya təhlükəsizliyi və hərəkatın kəşfiyyatına görə məsuliyyət daşıyıb.
