"Cənubi Qafqazda sülh Ermənistan və Azərbaycanın ərazi bütövlüyünün qarşılıqlı tanınması, “sonuncu sovet xəritələri” əsasında aparılacaq delimitasiya ilə əldə edilə bilər".
Modern.az "Sputnik Armenia"ya istinadən xəbər verir ki, bu fikri Ermənistan XİN rəhbəri Ararat Mirzoyan macarıstanlı həmkarı Peter Siyarto ilə birgə keçirdiyi brifinqdə səsləndirib.
Onun sözlərinə görə, sülhün bərqərar olması üçün bütün ölkələrdən təsirli addımlar atılmalı, maksimalist iddialardan imtina edilməlidir.
"Əsas prinsiplər artıq Qranada bəyanatında öz əksini tapıb və Ermənistan beynəlxalq tərəfdaşlardan bu bəyanatın dəstəyini gözləyir", - Mirzoyan belə deyib.
