Arxiv
11 May 2021, 10:52 | DÜNYA
Görün Koçaryan nəylə öyündü - Ermənistanda pislə ən pis arasında seçim...

Ermənistanda növbədənkənar parlament seçkilərinə rəsmən start verilib.

Modern.az xəbər verir ki, seçkilər 2021-ci il iyunun 20-nə təyin olunub.

İşğalçı ölkədə növbədənkənar seçkilərə qatılanlardan biri də keçmiş prezidenti Robert Koçaryandır. O dünən, mayın 9-da paytaxt Yerevandakı Azadlıq meydanında ilk mitinqini keçirib.

Robert Koçaryan seçkiyə “Daşnaksutyun” partiyası və “Dirçələn Ermənistan” hərəkatı ilə “Ermənistan” adlanan vahid blokda gedir.

Hazırkı Paşinyan iqtidarının ən qatı müxalifəti hesab olunan Koçaryan və tərəfdarlarının dünənki mitinqində izdiham müşahidə olunmayıb. Ermənistan mətbuatı meydana cəmi 9 minə yaxın müxalifət tərəfdarının toplandığını yazır

Ermənistanın "Fakt" qəzeti yazır ki, mitinqdən əvvəl Koçaryanın mühafizə xidməti eks-prezidentə zirehli jilet geyminməyi məsləhət görüb. Lakin o bundan imtina edərək öz xalqı arasında çıxmaq üçün əlavə təhlükəsizlik tədbirinə və narahatlığa ehtiyac duymadığını deyib.

Koçaryan tərəfdarları qarşısında mitinqə zirehli jilet taxmadan çıxmaqla öyünüb.


Ermənistandakı müstəqil ekspertlət növbədənkənar seçkidə Koçaryanın qalib gəlmək şansının yüksək olmadığını deyirlər. Bununla belə, əsas mübarizə Paşinyan tərəfdarları ilə Koçaryan tərəfdarları arasında gecəcək.

Yerevandakı Regional Araşdırmalar Mərkəzinin rəhbəri Riçard Giraqosyan hesab edir ki, Koçaryan öz gücünü şişirdərək cəmiyyətə təqdim edir.
Onun fikrincə, Koçaryanın Ermənistan cəmiyyətində nüfuzu hələ ki çox aşağıdır.

Ekspert bildirir ki,  hazırda Nikol Paşinyan və onun komandasını Ermənistan cəmiyyətin 30 faizə qədəri dəstəkləyir.

“Bu elə də çox deyil, amma müxalifəti dəstəkləyənlərdən daha çoxdur”.

Riçard Giraqosyana görə, Qarabağda məğlubiyyətlə bitən 44 günlük müharibədən sonra Ermənistanın daxili siyasətində ciddi gərginlik var, ölkə iflic duruma düşüb, əhalinin Paşinyan hakimiyyəti ilə bağlı fikirləri haçalanıb. Amma hətta belə bir durumda da Koçaryanın azad və ədalətli seçkilərlə hakimiyyətə qayıdacağı real görünmür.

Robert Koçaryanın korrupsiyada ittiham olunması, barəsində cinayət işinin açılması onun nüfuzuna ciddi zərbə vurub.

Erməni ekspertlər deyirlər ki, müxalifət liderlərinin seçkiöncəsi birləşməməsi onların şansını daha da azaldır.

Lakin Rusiyanın Koçaryanı dəstəkləməsini işarə edənlər də var və onların fikrincə, bu, eks-prezidentin qələbə qazanmaq şansını xeyli artırır.


Robert Koçaryan Ermənistanda revanşist düşüncədə olan müxalifət liderlərindəddir. O, hakimiyyətə qayıdacağı halda Qarabağda itirilən torpaqları, o cümlədən Hadrut və Şuşanı geri alacağı barədə sadə ermənilərə populist vədlər verir...

Ermənistanın tanınmış QHT sədri Georgi Vanyan bildirir ki, əslində Ermənistan cəmiyyəti seçkilərdə pislə ən pis arasında seçim edəcək.

Onun sözlərinə görə, 44 günlük mahribədəki məğlubiyyət Nikol Paşinyan iqtidarının nüfuzunu çox aşağı salıb, amma eks-prezidentlərə inamsızlıq bundan da çoxdur.

“Adamlar Nikol Paşinyana sadəcə olaraq ona görə səs verəcəklər ki, keçmiş iqtidardakılara nə qədər nifrət etdiklərini göstərsinlər”.

G.Vanyanın fikrincə, qələbəsinə heç Koçaryanın özü də inanmır...

Ermənistan politoloqları seçkilərə keçmiş milli təhlükəsizlik naziri Artur Vanetsyanın “Vətən” partiyası ilə vahid blokda gedən digər eks-prezident Serj Sarkisyanın imkanlarının daha zəif qiymətləndirirlər. Onu Robert Koçaryanla birgə hərəkət etməməkdə günahlandıranlar da var.

“Qraparak” qəzeti yazır ki, “Maariflənmiş Ermənistan” partiyasının sədri Edmon Marukyan və "Erməni milli konqresini"nin rəhbəri, sabiq prezident Levon Ter-Petrosyan üçüncü qüvvənin yeri uğrunda mübarizə aparacaq, yəni keçmiş və indiki hakimiyyəti rədd edən seçicilər üçün çalışacaqlar.


A.Qorxmaz

BU KATEQORİYADAN OLAN DİGƏR XƏBƏRLƏR
+ Arxiv
Avropa çempionatında qolsuz matç 15 İyun 2021, 01:01 Corabları ilə NATO sammitinə damğasını vuran lider kimdir? - FOTO 15 İyun 2021, 00:56 Azərbaycan və Gürcüstan milliləri sülh bağladı 15 İyun 2021, 00:49 Qırmızı işıqda keçən maşın qəza törətdi - FOTO 15 İyun 2021, 00:37 Polşalı qapıçı tarixə düşdü 15 İyun 2021, 00:23 Ərdoğan Azərbaycana yola düşdü 15 İyun 2021, 00:08 Azərbaycanda Milli Qurtuluş Günüdür 15 İyun 2021, 00:01 “Türkiyə ilə ABŞ arasında həqiqi irəliləyiş əldə edəcəyik” - Bayden 14 İyun 2021, 23:53 Ərdoğan Baydeni Türkiyəyə dəvət etdi 14 İyun 2021, 23:37 Ruslar erməniləri Kəlbəcər və Xocavəndə APARDI 14 İyun 2021, 23:25 İngiltərədə koronavirusla bağlı məhdudiyyətlərin ləğvi təxirə salındı 14 İyun 2021, 23:14 Əli Əsədov iclas keçirdi - FOTO 14 İyun 2021, 23:03 Ağstafada "Son zəng" bıçaqlanma ilə başa çatdı 14 İyun 2021, 22:56 Ərdoğan Qarabağla bağlı NATO-dan dəstək istədi 14 İyun 2021, 22:49 Uels futbolçuları Bakıda gəzintiyə çıxdılar - FOTO 14 İyun 2021, 22:38 Polis əməkdaşını maşın vurdu 14 İyun 2021, 22:29 “Əlini daşın altına qoymaq vaxtıdır” - Ərdoğan Baydenlə görüşdən danışdı 14 İyun 2021, 22:18 Polşa Slovakiyaya məğlub oldu - AVRO-2020 14 İyun 2021, 22:05 Türkiyədə koronavirusa yoluxan və ölənlərin sayı artdı 14 İyun 2021, 21:58 “Ərdoğanla çox yaxşı bir görüşümüz oldu” - Bayden   14 İyun 2021, 21:44 Büdcə gəlirləri 9,735 milyard manatı ötüb 14 İyun 2021, 21:37 Ərdoğanla Baydenin görüşü başa çatdı - FOTO 14 İyun 2021, 21:28 NATO-dan Türkiyəyə minnətdarlıq 14 İyun 2021, 21:20 Rəşad Nəbiyevə yeni müavin təyin edildi 14 İyun 2021, 21:06 Braziliyada şəhid jurnalistlərlə bağlı bəyanat yayıldı - FOTO 14 İyun 2021, 20:55 Dövlət başçısı Daşaltıda tunelin təməlini qoydu - FOTO 14 İyun 2021, 20:45 Prezident Zəfər yolundakı körpü ilə tanış olub - FOTO 14 İyun 2021, 20:34 Prezident və xanımı “Füzuli” yarımstansiyasının açılışında - FOTO 14 İyun 2021, 20:15 "Köndələnçay su anbarı bizim əlimizdədir və əbədi bizim əlimizdə olacaq" - İlham Əliyev 14 İyun 2021, 20:07 Prezident: Azad edilmiş bütün torpaqların su mənbələrinin xəritəsi hazırlanır 14 İyun 2021, 19:47 BTC ilə nəql olunan neftin həcmi AÇIQLANDI 14 İyun 2021, 19:38 Ceyhun Bayramov Britaniyanın Dövlət Naziri ilə telefonla danışıb 14 İyun 2021, 19:25 Ulu öndərlə unudulmaz üç görüş - FOTOLAR 14 İyun 2021, 19:19 Azərbaycanda peyvənd olunanların SAYI... 14 İyun 2021, 19:01 Daha 119 nəfər COVID-19-dan sağalıb, 25 nəfər yoluxub 14 İyun 2021, 18:54
SORĞU AVRO-2020-nin qalibi hansı komanda olacaq?