Beynəlxalq Fransa Radiosunun (RFİ) iki əməkdaşı noyabrın 2-də Malinin şimalındakı Kidal şəhərində oğurlandıqdan sonra qətlə yetiriliblər.
BBC-nin məlumatına görə, Claude Verlon və Ghislaine Dupont yerli siyasi liderlərdən müsahibə aldıqdan sonra yaraqlılar tərəfindən oğurlanıblar.
Onların cəsədi bir müddətdən sonra şəhərin kənarında tapılıb.
Fransa prezidenti Fransua Holland jurnalistlərin oğurlanması və qətlə yetirilməsini pisləyərək "alçaq" hərəkət adlandırıb.
Jurnalistin qətli ötən həftə Nigerdə 4 nəfər Fransa vətəndaşının girovluqdan azadlığa buraxılmasından cəmi bir neşə gün sönraya təsadüf edib.
Modern.az
