Arxiv
22 Dekabr 2013, 22:43 | AKTUAL
Ərdoğan-Gülən-Azərbaycan

Namidə BİNGÖL

Türkiyə dövlətinin daxilində baş verən hadisələrin miqyası bir qədər də genişləndi. Məsələnin kökündən araşdırılması Ərdoğan hökumətinə qarşı gizli təşkil olunan kampaniyanın aşkar şəkildə cərəyan etməsi ilə bağlı iddialara yol açdı. Bu barədə bir az sonra danışacağam. Öncə ölkənin daxilində baş verənlərə nəzər salaq.

Əslində, yeni bir şey yoxdu. Köhnə Hafiz Hacıyev çomağını yerə qoymur da! Əli Kərimliyə nə veribsə ala bilmir. Nə vaxt təcili toplantı keçirirsə, mütləq Əlidən, İsadan danışmasa, olmur. Ötən bazar günü Milli Şuranın məlum mitinqinə emosional reaksiya verən Hafiz müəllim, yenə də köhnə ampulasından heç cür uzaqlaşa bilmədi. Əslində, Hafiz Hacıyevin müxalifət nümayəndələrini çeynəyib tüpürməyinə bir növ adət etmişik. Ona görə də Əli Kərimlinin timsalında müxalifətdə təmsil olunan digər simaları “siyasi moşşennik”adlandırması yeni təhqir üsulu deyil. Görünür, Hafiz müəllim daha tutarlı variantlara üstünlük veməlidir. Məncə, yenilik lazımdı, Hafiz müəllim, yenilik. Yaxşı olar ki, Əli Kərimli və İsa Qəmbər haqqında təhqiramiz fikirlər səsləndirməyəsiz. Ayıbdır vallah.

Okeanın o tayında gecə-gündüz narahatlıq içində qərar tutan eks spiker Rəsul Quliyev də yenilik axtarışında deyil. Həmişəki kimi çaya tilov atmaqdan zövq alan eks-spiker məmləkəti Azərbaycanda ən kiçik nüanslara elə özüsayağı münasibət bildirir. Daha çox ağsaqqal görkəmində uzaqgörənlik etməyə üstünlük verən Rəsul müəllim, bu dəfə də SMDT-nın sədri Anar Məmmədlinin həbsinə münasibət bildirib. Gəldiyi qənaət isə odur ki, 2013-cü il seçkiləri zamanı canfəşanlıq göstərənlərin hələ bir neçəsi də həbs ediləcək. Belə çıxır ki, növbəti həbslərin artıq qara siyahısı hazırdır.

İndi isə qayıdaq bu həftə baş verən əsas hadisəyə. Xəbər ildırımsürətilə yayıldı. Doğrusu, sunaminin gətirdiyi fəlakətin saatbasaat irəliləyib siyasi qarışıqlıq yaradacağını kimsə təsəvvür etmirdi . Öncə millət vəkili Hakan Şükür istefa verdi. Meydançada rəqib komandanın qapısına vurduğu qollardan fərqli olaraq, baş nazir Ərdoğana qarşı istefa “qol”unu vurmaq ən azı ciddi “siyasi sillə” idi. Amma, bu qol Ərdoğan üçün hədiyyə də ola bilər. Çünki atılan növbəti addımların taleyini müəyyənləşdirmək Ərdoğan hakimiyyətini çıxılmaz vəziyyətlə üz-üzə qoya bilərdi. Bu ehtimal qısa zaman kəsiyində özünü doğrultdu. Türkiyənin daxilində baş verən gizli hadisələrin qəfil açılan atəş nəticəsində formallığını itirməsi çoxşaxəli parçalanmalara səbəb oldu. Türk sənətçisi Ebru Gündeşin azərbaycanlı həyat yoldaşı Rza Zərrabın rüşvət qalmaqalında, İrandan gətirilən çirkli pulların yuyulmasında birbaşa əlinin olması üstəlik, bu işlərə Türkiyənin bir çox nazir övladlarının qol qoyması hadisələrin ciddiliyini önə çəkdi.

Maraqlıdır, Türkiyədə nə baş verir?! Ərdoğan hökumətinin formalaşdırdığı hakimiyyət daxilində tor quranların bu qədər geniş səlahiyyətə malik olması nədən qaynaqlanır?! Hər halda ortada münasibətləri gərgin olan Ərdoğan-Gülən qarşıdurması var. Dərsanələrin bağlanmasına bir qədər qürurlu, bir qədər də sakit tərzdə yanaşma ortaya qoyan Fətullah Gülən çox ciddi qarışıqlığın başında bələdçilik edə bilərmi?! Bunu əminliklə söyləmək sadəlövhlük olardı. Bir tərəfdən də Ərdoğan-Gülən münasibətlərinə əsaslanan hadisələrin bir ucu da Azərbaycana gəlib çıxır. Əslində, baş verənləri Ərdoğan hakimiyətinə qarşı çevriliş kimi xarakterizə etmək doğru deyil. Söhbət Türkiyənin güclənməsindən gedir. Avropanın da, Amerikanın da Türkiyəni hər tərəfdən sıxışdırması məsələnin ana xətti də ola bilər. Türkiyənin Cənubi Qafqaza yaxınlaşması Rusiyanın narahatçılığının hədəf nöqtəsidir. İndiki halda yalnız onu demək olar ki, hadisələr qarışıq məcrada tüğyan edir. İstefa verənlərin, tutulanların işi ssenari üzrə davam edir. Fırtınanın təsirindən gəminin harda lövbər salacağını müəyyənləşdirmək çətindir. İndiki halda isə TBMM-dən istefa ilə çıxış edən Hakan Şükürün “qol”una sadəcə, şükür etmək lazımdır. Hələ bu hadisələrin bir ucunun Azərbaycana gəlib çıxması isə vəziyyəti bir qədər də mürəkkəbləşdirir.

Sən demə yayılan iddialara görə Azərbaycanda da Rza Zərrabın yaxın adamları varmış. Guya bunlardan biri də millət vəkili Cavanşir Paşazadədir. Ancaq Milli Məclisin deputatı mətbuata açıqlamasında onun haqqında deyilənlərin həqiqətə uyğun olmadığını söyləməklə bəzi media orqanlarını yoxlanmamış informasiya yazdığı üçün məhkəməyə verəcəyini bildirdi. Əslində belə çirkli işlərdə Azərbaycanın adının hallanması birinci hal deyil. Bir sözlə harda aş orda başıq. Təki deyilənlər Cavanşir müəllimin dediyi kimi həqiqət olmasın ki, Azərbaycanın da adı cinayət işlərininin dosyelərində yer tutmasın. Ancaq məsələ ondadır ki, təkcə Cavanşir Paşazadənin Türkiyə ilə bağlı hadisələrdə adı keçmir. Sən demə Sədərək gömrük komitəsinin rəisi də elə məlum hadisələrlə bağlı Türkiyədə həbs olunub. İstərdik ki, Azərbaycanın adı belə qaranlıq işlərdə hallanmasın, ancaq ümum dünya hörümçək toru olan internetdə informasiyalar elə sürətlə yayılır ki, adam çaş-baş qalır. Bəlkə də həqiqətən deyilənlər, yazılanlar doğrudur? O zaman demək ki, istək və arzularımız deyil, qanun ön plana çıxır.
Nə deyək, nəyin doğru, nəyin yalan olmasını zaman göstərər.


BU KATEQORİYADAN OLAN DİGƏR XƏBƏRLƏR
+ Arxiv
İqbal Məmmədov daha iki kənddə seçicilərlə görüşdü - FOTOLAR 29 Yanvar 2020, 00:51 Honkonq alimləri koronavirusa qarşı vaksin hazırlayıblar - FOTO 29 Yanvar 2020, 00:18 Yamayka sahillərində 7,3 bal gücündə zəlzələ oldu 29 Yanvar 2020, 00:01 Qarabağ kanalında batan var - YENİLƏNİB 28 Yanvar 2020, 23:53  “Millət vəkili xalqla hökumət arasında körpü olmalıdır” - Vüqar Bayramov 28 Yanvar 2020, 23:45 Koronavirusun yaranma səbəbi: 3 ehtimal 28 Yanvar 2020, 23:27 Azər Kərimli daha 10 kənddə seçiciləri ilə görüşüb - FOTOLAR 28 Yanvar 2020, 23:11 Elmar Məmmədyarov həmsədrlərlə Qarabağ  problemini müzakirə etdi 28 Yanvar 2020, 22:47 İqbal Məmmədov ona məktub yazan uşaqlarla görüşdü - FOTOLAR 28 Yanvar 2020, 22:32 ÜST koronavirusla mübarizə üçün Çinə ekspertlər göndərir 28 Yanvar 2020, 22:12 Jalə Əliyeva seçicilərlə görüşdü – FOTOLAR 28 Yanvar 2020, 21:53 Zəlzələ Yunanıstanı da silkələdi 28 Yanvar 2020, 21:34 Bu dəfə yanğınsöndürənlər ayağa qalxdı 28 Yanvar 2020, 21:17 DYP Bakıda dəhşətli qəzaların görüntülərini yaydı - VİDEO 28 Yanvar 2020, 20:59 Azay Quliyevin seçicilərlə daha bir uğurlu görüşü - FOTOLAR 28 Yanvar 2020, 20:41 Türkiyədə yenidən zəlzələ oldu: əhali küçələrdə 28 Yanvar 2020, 20:26 Pakistanda güclü partlayış - VİDEO 28 Yanvar 2020, 20:07 Alimlər təsdiqlədi: Ən yararlı qida badamdır - SƏBƏB? 28 Yanvar 2020, 20:00 Ukraynadan Çinə uçuşlar dayandırılır 28 Yanvar 2020, 19:56 Saxta qulaqcıqların təhlükəsi məlum oldu 28 Yanvar 2020, 19:50 Azərbaycanda tələbələr nə qədər təqaüd alır? 28 Yanvar 2020, 19:42 Fərhad Abdullayev Konstitusiya Məhkəməsinə edilən şikayətlərdən danışdı 28 Yanvar 2020, 19:33 Deputat və həyat yoldaşı öldürüldü 28 Yanvar 2020, 19:26 Seçicilər Əhliman Əmiraslanovu alqışlarla qarşıladı - FOTO 28 Yanvar 2020, 19:19 Masallıda yeni çay plantasiyaları salınıb 28 Yanvar 2020, 19:11 Deputatlığa namizəd Ceyhun Məmmədov seçicilərlə görüşüb - FOTO 28 Yanvar 2020, 19:03 Mərkəzi xəstəxanalarda növbəni tənzimləyən terminallar quraşdırıldı 28 Yanvar 2020, 19:00 Könül Nurullayeva seçki kampaniyasını aktiv şəkildə davam etdirir - FOTO-VİDEO 28 Yanvar 2020, 18:58 Polis zabitindən nümunəvi ADDIM 28 Yanvar 2020, 18:53 Aslan Aslanov Səudiyyə Ərəbistanı səfiri ilə görüşüb 28 Yanvar 2020, 18:39 İDEA daha bir həyəti abadlaşdırdı - VİDEO 28 Yanvar 2020, 18:30 Cavanşir Paşazadə 6 kəndin sakinləri ilə görüşdü - FOTO 28 Yanvar 2020, 18:25 Allahşükür Paşazadəyə yubiley medalı təqdim olundu 28 Yanvar 2020, 18:17 Dünya çempionları Ülvi Quliyevi dəstəkləyir - VİDEO 28 Yanvar 2020, 18:09 Musa Quliyevin Gəncədə izdihamlı görüşü - FOTO 28 Yanvar 2020, 18:00
SORĞU Yeni parlamentdə kimlər olsun?