Attestat qiymətləri abituriyentlərin ali məktəblərə qəbul ballarına əlavə oluna bilər. Modern.az-ın məlumatına görə, bu barədə Tələbə Qəbulu üzrə Dövlət Komissiyasının sədri Məleykə Abbaszadə yanvarın 25-də 2010-2011-ci tədris ili üçün tələbə qəbulunun nəticələrinin elmi statistik təhlinin başa çatması ilə bağlı kecirdiyi mətbuat konfransında bildirib.
Onun sözlərinə görə, abituriyentlərin əksəriyyətinın attestatda əks olunan qiymətləri ilə qəbul imtahanlarında göstərdiyi nəticələr üst-üstə düşmür. “Attestatda yüksək qiymət alan abituriyentlərin 61,1% imtahan prosesində aşağı nəticə göstərir. Təssüf ki, bu göstəricilər hər il eyni qalır”. M.Abbaszadənin sözlərinə görə, abituryentlərin attestat qiyməti ilə qəbul proossesində eyni fəndən topladığı bal üst-üstə düşərsə, attesstat qiymətləri ümümi toplanılan balın üstünə gələ bilər. ”Əgər belə göstərici əldə etsəydik, bu prosesə bu ildən qoşulmaq olardı. Ancaq hazırda bu gələcək üçün nəzərdə tutulub”.
M.Abbaszadə onu da bildirib ki, abituriyentlər biologiya fənnindən əvvəlki illərlə müqayisədə aşağı nəticə göstəriblər.
Sədaqət Süleymanova
