Şənbə günü Eynulla Fətullayevin müdafəsi ilə bağlı etiraz aksiyası keçiriləcək
“Facebook” sosial şəbəkəsində müxalifyönlü gənclər daha bir aksiya ilə bağlı məlumat yayıblar. Modern.az-a daxil olan müraciətdə bildirilir ki, martın 19-da saat 14.00-da Fəvvarələr meydanında gənclərin etiraz aksiyası keçiriləcək. Aksiya həbsdə olan jurnalist Eynulla Fətullayevin müdafiəsi ilə bağlıdır.
“Eynulla Fətullayev martın 2-dən bəri yarımzirzəmi şəraitdə, rütubətli yerdə, təmiz havadan təcrid vəziyyətdə yaşayır. Vəziyyəti çox ağırdır. Biz onu azadlıqda sağlam görmək istəyirik. Ona dəstək üçün martın 19-da azadlığını tələb edəcəyik”-deyə müraciətdə bildirilir.
Müraciətdə təşkilatçı olaraq iki gənc Rasim Əlibəyli və Nərmin Həsənli göstərilib.
Rasim Əlibəyli Türkiyənin Ankara Qazi Unversitetində oxuyur. Modern.az
