Mitinq keçirmək üçün yer kimi bu məktəbin həyəti göstərilib
Bakı Şəhər İcra Hakimiyyəti müxalifətin mitinq müraciətinə cavab verib. Bu barədə Modern.az-a Müsavat Pariyasının icra aparatının rəhbəri Arif Hacılı məlumat verib.
Onun sözlərinə görə, Bakı meriyasından aldıqları cavabda İctimai Palatanın mitinq keçirməsi üçün Bayıl qəsəbəsində 20-ci sahə ərazisində yerləşən sürücülük məktəbinin həyəti məsləhət görülüb.
“Biz bununla razı deyilik. Mitinqimizi aprelin 2-də saat 14-də Fəvvarələr bağında keçirəcəyik. Aksiyanı keçirməkdə bizə heç kim mane ola bilməz”-deyə A. Hacılı vurğulayıb.
Xatırladaq ki, İctimai Palata mitinq üçün Nərimanov kinoteatrının qarşısını istəmişdi.
Daxili İşlər Nazirliyi isə həmişə bildirib ki, icazəsiz aksiyaların qarşısı alınacaq.
Modern.az
