Bu gün Azərbaycan yığması UEFA Millətlər Liqasının qrup mərhələsində növbəti oyununa çıxacaq.
Modern.az xəbər verir ki, yığmamız 4-cü turda doğma meydanda Belarusla qarşılaşacaq. "Dalğa Arena"da keçiriləcək görüş saat 20:00-da başlayacaq.
Komandalar arasında 1 həftə əvvəl Belarusda oynanılan ilk matç 0:0 hesabı ilə yekunlaşıb. Qrupun digər qarşılaşmasında qrup lideri Qazaxıstan Slovakiyanı qəbul edəcək.
Millətlər Liqası, 4-cü tur
C Liqası
3-cü qrup
20:00. Azərbaycan - Belarus
Hakimlər: Anastasios Papapetru, Trifon Petropulos, İordanis Aptosoqlu, Georgios Tsovaras (Yunanıstan)
"Dalğa Arena".
18:00. Qazaxıstan - Slovakiya
Baş hakim: Bram van Direşşe (Belçika)
"Astana Arena"
