Finlandiya prezidenti Sauli Niinistö Türkiyə lideri Rəcəb Tayyib Ərdoğanın açıqlamasından sonra ölkəsinin dərhal Türkiyə ilə əlaqə saxladığını bildirib.
Modern.az xəbər verir ki, bu barədə dövlət başçısı "Helsingin sanomat" nəşrinə müsahibəsində deyib.
Ərdoğan bir gün əvvəl demişdi ki, Türkiyə Finlandiyanın NATO-ya üzvlüyü ilə bağlı İsveçi şoka salacaq qərar verə bilər. Daha öncə Türkiyənin xarici işlər naziri Mövlud Çavuşoğlu bildirmişdi ki, Ankara İsveç və Finlandiyanın NATO-ya üzv olmaq üçün müraciətlərinə ayrıca baxa bilər, lakin yekun qərar Helsinki və Stokholmda veriləcək.
