Հայ-ռուսական հարաբերությունները մոտենում են անդառնալի կետի:
Modern.az-ը հայտնում է, որ հայկական լրատվամիջոցներում տարածված տեղեկատվության մեջ, հղում անելով ռուսական աղբյուրներին, պնդվում է, որ Հայաստանի համար գազի գինը չի բարձրանա, փոխարենը նոյեմբերի 1-ից երկիր գազի մատակարարումը լիովին կդադարեցվի։
Արդեն հայտարարվել է, որ Հայաստանում պլանային վերանորոգման աշխատանքներ են իրականացվում։ Նշվում է, որ ներկայումս Հայաստանի սպառողներին մատակարարվում է գազի պահեստներում կուտակված պահուստային գազը։ Ըստ պնդումների՝ նոյեմբերի 1-ին տեղի կունենա ինչ-որ խոշոր «վթար» կամ ֆորսմաժորային իրավիճակ, ինչի հետևանքով գազամատակարարումը չի վերականգնվի։
Աղբյուրի փոխանցմամբ՝ նման սցենարից խուսափելու համար Հայաստանի վարչապետ Նիկոլ Փաշինյանի առջև դրվել է 4 պահանջ։
Պահանջներից մեկը վերաբերում է Ռուսաստանի 102-րդ ռազմական բազային։ Փաշինյանին առաջարկվել է հրաժարվել այս թեմայից։
Երկրորդ պահանջը վերաբերում է ռուսական կապիտալի մասնակցությամբ ակտիվների՝ երկաթուղու, «Գազպրոմի» և այլ ոլորտների դեմ քայլերից հրաժարվելուն։ Ըստ պնդումների՝ Հայաստանի իշխանությունները պետք է նահանջեն նաև այս հարցից։
Երրորդ պահանջը վերաբերում է «Եվրասիական տնտեսական միություն, թե՞ Եվրոպական միություն» երկընտրանքին։ Այս հարցում առաջարկվել է երկու ճանապարհ՝ կա՛մ պետք է չեղարկվի «Հայաստանի՝ Եվրոպական միությանն անդամակցելու գործընթացի մեկնարկի մասին» օրենքը, կա՛մ պետք է հայտարարվի այս հարցով հանրաքվեի անցկացման ամսաթիվը։
Չորրորդ պահանջը վերաբերում է ռուսամետ անձանց նկատմամբ հետապնդումները դադարեցնելուն։ Աղբյուրը ենթադրում է, որ խոսքը Ռոբերտ Քոչարյանի, Գագիկ Ծառուկյանի, Անդրանիկ Թևանյանի և Սամվել Կարապետյանի մասին է։
Բացի այդ, նշվում է, որ ևս մեկ պահանջ է առաջադրվել։ Այսպես, կառավարությունում պետք է նշանակվի Ռուսաստանի համար ընդունելի փոխվարչապետ, և Ռուսաստանի իշխանությունները պետք է անմիջապես աշխատեն նրա հետ։ Որպես պատճառ նշվում է, որ ռուսական կողմը հիասթափված և դժգոհ է Հայաստանի իշխանությունների ներկայիս ներկայացուցիչներից:
Ա. Ղորխմազ
