Հայաստանը մտադիր է պարզել՝ արդյոք նոր Սահմանադրության ընդունումը բավարար կլինի Ադրբեջանի հետ խաղաղություն հաստատելու համար, և արդյոք խաղաղության պայմանագրի ստորագրումը կնշանակի բոլոր վիճելի հարցերի վերջնական լուծում։
Modern.az-ը հայտնում է, որ այս մասին Հայաստանի վարչապետ Նիկոլ Փաշինյանը խոսել է խորհրդարանում 2027 թվականի պետական բյուջեի նախագծի քննարկման ժամանակ։
«Արդյո՞ք Հայաստանը նոր Սահմանադրություն ընդունելուց հետո խաղաղության պայմանագիր կստորագրի Ադրբեջանի հետ։ Արդյո՞ք պայմանագրի ստորագրումն ինքնին կնշանակի համապարփակ խաղաղության հաստատում, որի դեպքում Հայաստանի և Ադրբեջանի հարաբերություններում կոնֆլիկտային օրակարգ չի մնա»,- հարցեր է բարձրացրել Փաշինյանը։
Նրա խոսքով՝ մոտ ապագայում Երևանի ջանքերն ուղղված կլինեն հենց այս հարցերի պատասխանները ստանալուն։
Հիշեցնենք, որ որոշ ժամանակ առաջ Հայաստանի վարչապետ Նիկոլ Փաշինյանը հայտարարել էր, որ նոր Սահմանադրության ընդունման հարցում ընդդիմության աջակցությունը կստանա հանրային ճնշում ձևավորելու միջոցով։
Ի պատասխան՝ «Հայաստան» խմբակցության ղեկավար Աննա Գրիգորյանը հայտարարել էր, որ իրենք դեմ կքվեարկեն իշխանության առաջարկած սահմանադրական փոփոխություններին։
Նշենք, որ Ադրբեջանը Հայաստանի հետ խաղաղության պայմանագիր ստորագրելու համար պայման է դնում այդ երկրի Սահմանադրության փոփոխությունը։
Սահմանադրական փոփոխություններ կամ հանրաքվե նախաձեռնելու համար իշխող քաղաքական ուժը պետք է խորհրդարանում ստանա պատգամավորների ձայների երկու երրորդը։
2026 թվականի հունիսի 7-ին կայացած ընտրությունների արդյունքներով՝ 49,81 տոկոս ձայն հավաքած իշխող «Քաղաքացիական պայմանագիր» կուսակցությունը չի կարողացել ստանալ սահմանադրական մեծամասնություն։
