Dövlət Statistika Komitəsi ölkənin avtomobil bazarı ilə bağlı yeni rəqəmlər açıqlayıb.
Modern.az-ın statistik məlumatlar əsasında apardığı təhlilə görə, Azərbaycanda ən populyar avtomobil markası “Mercedes”dir.
Belə ki, 2022-ci ildə ölkədə 212 mindən çox “Mercedes” markalı avtomobil olub. Alman markası Azərbaycanda olan 1.4 milyondan artıq avtomobilin 15%-ni təşkil edir.
Növbəti yerdə Rusiya/SSRİ istehsalı avtomobillər gəlir.
Statistikaya əsasən, Azərbaycanda 199.5 min ədəd VAZ-2106 (2101-lərlə birlikdə), 126 mindən çox VAZ 2107 (2105-lərlə birlikdə) var. Sayı 100 mini ötən digər avtomobillər “Hyundai” modelləridir.
|
Avtomobil modeli |
Sayı |
|
Mercedes |
212.824 |
|
VAZ-2106 (2101-lə birlikdə) |
199.552 |
|
VAZ-2107 (2105-lə birlikdə) |
126.624 |
|
Hyundai |
105.833 |
|
Toyota |
94.941 |
|
Opel |
69.048 |
|
KİA |
67.135 |
|
Chevrolet |
44.110 |
|
Nissan |
40.701 |
|
BMW |
35.319 |
|
VAZ-2121 (Niva) |
35.128 |
Azərbaycandakı bahalı maşınların sayı elə də az deyil. DSK-nın məlumatına görə, Azərbaycanda 63 ədəd “Rolls Roys”, 327 ədəd “Bentley”, 157 ədəd “Lincoln”, 262 ədəd “Alfa Romeo” var.
Bahalı markalar içərisində ən geniş yayılan “Land Rover”dir, ölkədə istifadədə olan bu maşınların sayı 8661 ədəddir.
Bundan əlavə, Azərbaycanda məşhur "Tesla" elektromobillərinə də rast gəlmək olar. Hazırda ölkəmizdə 99 ədəd "Tesla" elektromobili var.
