İyulun 17-də Yeni Azərbaycan Partiyasının (YAP) İdarə Heyətinin növbəti iclası keçirilib.
İclasda Azərbaycan Respublikasının Milli Məclisinə 2024-cü il sentyabrın 1-nə təyin edilmiş növbədənkənar seçkilərlə əlaqədar hakim partiya tərəfindən deputatlığa namizədlərin irəli sürülməsi məsələsinə baxılıb. İclasdan sonra YAP-dan deputatlığa irəli sürülmüş namizədlər açıqlanıb.
Modern.az xəbər verir ki, hakim partiya Gəncədə yerləşən seçki dairələrindən 4 nəfərin namizədliyini irəli sürüb.
YAP-dan seçilən deputatlar Naqif Həmzəyev, Pərvin Kərimzadə, Müşfiq Cəfərov və Musa Quliyev yenidən hakim partiyanın namizədləri olublar. Onlar seçkilər zamanı Gəncə şəhərində YAP-ı təmsil edəcəklər.
Deputatlar müvafiq olaraq 38, 39, 40 və 41-ci seçki dairələrindən namizəd göstəriliblər.