İstanbulda İŞİD terror təşkilatı ilə əlaqədə şübhəli bilinən 74 nəfər saxlanılıb.
Modern.az Türkiyə KİV-nə istinadən xəbər verir ki, bu barədə İstanbul şəhər Polis İdarəsi məlumat yayıb.
Bildirilib ki, İstanbul polisi bu gün səhər saatlarında şəhərin 15 ayrı-ayrı ünvanlarında əməliyyat keçirib.
Məlumata görə, saxlanılanlar hamısı xarici ölkə vətəndaşlarıdırlar. Lakin onların şəxsiyyəti və hansı ölkə vətəndaşları olması barədə məlumat açıqlanmayıb.
