Rossiyada bo'lib o'tgan Davlat Dumasiga saylovlarda bir mandatli okruglar bo'yicha eng yuqori natijani Checheniston Respublikasidan nomzod Adam Delimxanov ko'rsatdi.
Modern.az xabar berishicha, Markaziy saylov komissiyasi e'lon qilgan ma'lumotlarga ko'ra, "Yagona Rossiya" partiyasidan nomzod bo'lgan Delimxanov Checheniston bo'yicha 95,21 foiz ovoz to'plagan. Shu bilan u bir mandatli okruglar bo'yicha eng yuqori natija ko'rsatgan nomzod bo'ldi.
Ikkinchi natija Dog'istondan nomzod Xizri Abakarovga tegishli. U 89,8 foiz ovoz to'plagan. Shimoliy Osetiyadan nomzod Ivan Demchenko esa 86,71 foiz natija ko'rsatgan.
Keyingi o'rinlarda Voronej viloyatidan Aleksey Gordeyev – 84,76 foiz, Davlat Dumasi raisi Vyacheslav Volodin esa Saratov viloyatidan 82,93 foiz bilan joylashgan.
Qayd etish joizki, Rossiyada Davlat Dumasiga saylovlar 18-20 sentyabr kunlari bo'lib o'tgan. Delimxanovning natijasi Checheniston rahbari Ramzan Qodirovning shu saylovlarda erishgan 99,85 foizlik natijasidan taxminan 4,6 foiz bandga pastdir.
