Qozogʻistonda Ozarbayjon fuqarolari, shu jumladan, chet elliklar uchun shaxsiy identifikatsiya raqamini (SHIR) bir kun ichida onlayn olish imkonini beruvchi pilot loyiha ishga tushirildi.
Modern.az xabar berishicha, yangi xizmat uchun murojaat “QazETA” mobil ilovasi orqali amalga oshiriladi.
Murojaat qiluvchi shaxs pasporti yoki shaxsiy guvohnomasining rasmini olishi, biometrik tekshiruvdan oʻtishi va geografik joylashuvini tasdiqlashi kerak. Keyin maʼlumotlarni tekshirish va zarurat tugʻilganda toʻldirish talab qilinadi.
Tizim shaxsning Qozogʻistonga kirish faktini tekshirgandan soʻng, murojaatni rasmiylashtirish davom ettiriladi. Ariza qoʻshimcha ravishda mamlakat Ichki ishlar vazirligi tomonidan tekshiriladi.
Ilovadagi MAQ migratsiya xizmatlari platformasi orqali murojaatning holatini kuzatish, berilgan raqamni koʻrish va tayyor roʻyxatga olish guvohnomasini yuklab olish mumkin.
Pilot loyihaning boshlanishi toʻgʻrisidagi Qozogʻiston Ichki ishlar vazirligining buyrugʻi 9-noyabr kuni kuchga kirdi.
