Bugun, 23-oktabr kuni Istanbulda Ukrainadagi urushni tugatish yoʻllarini muhokama qilish uchun yetti davlat tashqi ishlar vazirlarining uchrashuvi boʻlib oʻtadi.
Modern.az xabar berishicha, bu haqda AFP agentligi Turkiyaning diplomatik manbalariga tayanib maʼlumot tarqatgan.
Uchrashuvda Buyuk Britaniya, Germaniya, Fransiya, Turkiya, Saudiya Arabistoni, Pokiston va Misr tashqi ishlar vazirlari ishtirok etadi.
Turkiya tashqi ishlar vaziri Hakan Fidan mezbonlik qiladigan yigʻilishda Rossiya-Ukraina urushini toʻxtatish imkoniyatlari, Qora dengizdagi xavfsizlik va mintaqaviy mojarolar muhokama qilinadi.
Muzokaralar kun tartibiga Falastin masalasi, Yamandagi vaziyat va Hormuz boʻgʻozidagi voqealar ham kiritilgan.
Rossiya va Ukraina bilan diplomatik aloqalarini saqlab qolgan Turkiya urushni tinch yoʻl bilan hal qilish boʻyicha vositachilik saʼy-harakatlarini davom ettirmoqda.
Anqara avvalroq Qora dengizda savdo kemalariga hujumlarni toʻxtatish boʻyicha tashabbus koʻtargan boʻlsa-da, bu borada kelishuvga erishilmagan.
