Norvegiya Qirollik saroyi Qirol V Xaraldning vafot etganini e'lon qildi.
Modern.az xorijiy OAVga tayanib xabar berishicha, Qirolning o'limi haqidagi xabar biroz avval rasman tasdiqlangan.
Qirolning sog'lig'i so'nggi kunlarda keskin yomonlashgan edi. U 17-avgustdan boshlab Oslodagi kasalxonada davolanayotgan edi. Avvaliga qon kasalligi – gemolitik anemiya bilan bog'liq davolanish olgan monarxda keyinchalik qonda bakterial infeksiya aniqlangan edi.
27-avgust kuni Qirollik saroyi Xaraldning sog'lig'i “juda jiddiy” ekanligini bildirgan edi. Uning rafiqasi, Qirolicha Sonya va Valiahd Shahzoda Haakon barcha rasmiy tadbirlarini bekor qilib, qirolning yonida bo'lishgan edi.
Xarald V 1991-yil 17-yanvarda otasi Qirol V Olavning o'limidan so'ng Norvegiya taxtiga chiqqan edi. U Yevropaning eng uzoq muddat hukmronlik qilgan monarxlaridan va dunyoning eng keksa hukmdori edi.
Qirolning vafotidan so'ng Norvegiya taxtiga uning o'g'li, Valiahd Shahzoda Haakonning o'tishi kutilmoqda.
