30-avgust kuni Istanbulda Eron bo'yicha muhim uchrashuv bo'lib o'tadi.
Modern.az xabar berishicha, bu haqda DPA agentligi Germaniya hukumatidagi manbalarga tayanib ma'lumot tarqatgan.
Uchrashuvda Yevropa Ittifoqining “uchligi” – Buyuk Britaniya, Germaniya va Fransiya, shuningdek, Misr, Saudiya Arabistoni, Pokiston va Turkiya tashqi ishlar vazirlarining ishtirok etishi kutilmoqda.
Muzokaralarni o'tkazish tashabbusi Germaniya va Turkiya tomonidan ilgari surilgan.
Uchrashuv davomida, boshqa masalalar qatorida, Hormuz bo'g'ozida kemalar qatnovi erkinligini ta'minlash yo'llari va mintaqadagi xavfsizlik holati muhokama qilinadi.
Ishtirokchi davlatlar uchrashuv AQShga Eron bilan muzokaralarni davom ettirish zarurligi haqida signal bo'lishini kutmoqdalar.
DPA ma'lumotlariga ko'ra, uchrashuv kun tartibiga Qora dengizdagi vaziyat va Ukraina donini eksport qilish masalasi ham kiritiladi.
