Çempionlar Liqasının qrup mərhələsində mübarizə aparacaq "Qarabağ" klubu adından azarkeşlərə müraciət edilib. Modern.az xəbər verir ki, Ağdam klubu rəsmi feysbuk səhifəsində müraciət yerləşdirib.
Müraciətdə azarkeşlərdən "Qarabağ"ın qrupda qarşılaşacağı komandaların sosial şəbəkələrdəki hesablarında təhqirlərə yol verməməsi xahiş olunub: "Xahiş edirik ki, rəqiblərimizin sosial şəbəkə hesablarında etik normalardan kənara çıxmayaq, öz əxlaq və mədəniyyətimizlə örnək olaq.
Daha öncə rəqiblər öz sosial şəbəkə hesablarından Azərbaycana girişi qadağan etmişdilər, indi isə qitənin ən güclü klublarının xatirələrində neqativ qalmayaq”.
Modern.az
