Çempionlar Liqasının II təsnifat mərhələsinin cavab oyunları çərçivəsində keçirilən “Qarabağ” – “Dandolk” matçında xoşagəlməz hadisə yaşanıb.
Modern.az xəbər verir ki, qarşılaşmanın 60-cı dəqiqəsində meydana azarkeş daxil olub.
Təhlükəsizlik xidmətindən yayınaraq meydana çıxan “Qarabağ” fanatı Ağdam klubunun kapitanı Rəşad Sadıqovla görüşüb və qaçaraq meydandan çıxıb.
Bununla bağlı UEFA İntizam Komitəsi qərar çıxaracaq. Təhlükəsizlik təmin olunmadığı üçün Azərbaycan çempionu cərimələnəcək.
