Bu gün axşam saatlarında şəhərin 12-ci mikrorayonunda, təxminən 60-65 yaşlarında huşsuz vəziyyətdə qadın tapılıb.
Modern.az APA-ya istinadən xəbər verir ki, onun Əzizə adlı qadın olduğu müəyyən edilib.
Yaxınları tapılmadığından qadının tam şəxsiyyətini müəyyənləşdirmək mümkün olmayıb.
O, təcili tibbi yardım maşını ilə dərhal Sumqayıt Təcili Tibbi Yardım Xəstəxanasına gətirilərək reanimasiya şöbəsinə yerləşdirilib. Həkimlərin səylərinə baxmayaraq, onu xilas etmək mümkün olmayıb, qadın dünyasını dəyişib.
Mərhumun meyiti müayinə olunmaq üçün aidiyyəti üzrə təhvil verilib.
Faktla bağlı araşdırma aparılır.
